Lleihau Unigrwydd ac Arwahanrwydd

Ein nod yw darparu cyswllt cymdeithasol drwy wirfoddolwyr sy’n ymweld â phobl yn eu cartrefi eu hunain neu fynd â nhw allan i weithgareddau, gwrando ar broblemau neu bryderon, neu ddarparu gwybodaeth a helpu gyda siopa neu dasgau ymarferol bach.   Mae rhai gwirfoddolwyr hefyd yn cynnig cyfeillio dros y ffôn yn rheolaidd fel dull ychwanegol o gysylltu, neu’n cynnig cludiant i apwyntiadau pwysig.

Os ydych yn wrandäwr da, yn empathetig, yn ddibynadwy ac y gellir ymddiried ynddoch, gallwch helpu.  Mae angen i chi fod yn 18+ oed, ac yn gallu ymrwymo am o leiaf 6 mis: bydd hefyd angen dau eirda am eich cymeriad arnom, a byddwn yn cynnal gwiriad DBS cyn y gallwch ddechrau.   Ar gyfer cyfleoedd i gynnig cludiant, bydd angen trwydded yrru lawn a glân arnoch, yswiriant cyfredol, a bod gennych eich cerbyd eich hun.