07968164454
Fel rhan o’n hymrwymiad manwerthu i godi arian hanfodol ar gyfer Hosbis y Ddinas, bydd ein siopau ar agor 7 diwrnod yr wythnos. Gyda hynny mewn golwg, rydym yn chwilio am wirfoddolwyr manwerthu brwdfrydig a dibynadwy i helpu i gefnogi rhai o’n siopau ar ddydd Sadwrn a dydd Sul.
Mae ein siopau’n codi arian hanfodol i’n galluogi i gefnogi’r rhai yn y gymuned leol sy’n byw gyda salwch sy’n cyfyngu ar eu bywydau a’u teuluoedd. Mae gennym nifer o siopau yn Nhrelái, Llanisien, Rhiwbeina, Penarth, yr Eglwys Newydd a’r Barri.
Mae gwirfoddolwyr manwerthu yn cymryd rhan mewn amrywiaeth o dasgau megis didoli rhoddion, prisio a darparu gwasanaeth cwsmeriaid rhagorol. Drwy wirfoddoli yn ein siopau, byddwch yn gwneud gwahaniaeth anferth ac yn dod yn rhan o dîm cyfeillgar a chroesawgar. Byddwch hefyd yn rhoi rhywbeth yn ôl i’ch cymuned.
Dywed Paul, Arweinydd Tîm Manwerthu Gwirfoddol:
“Y peth gorau am wirfoddoli yma yw dod yn rhan o deulu’r Hosbis a gallu cyfrannu at elusen leol anhygoel”.
Nid oes angen unrhyw brofiad manwerthu arnoch ar gyfer y rôl hon, darperir hyfforddiant llawn. Yn ddelfrydol, byddwch yn gallu ymrwymo i wirfoddoli’n rheolaidd am o leiaf 4 awr yr wythnos.
Gyda digon o gyfleoedd ar gael ar hyn o bryd, cysylltwch â ni heddiw i ddod o hyd i siop a shifft sy’n gweithio i chi. Mae ein timau manwerthu yn edrych ymlaen i’ch croesawu chi!
Tags: Manwerthu
Comments are closed.