Gwirfoddolwr Rheng Flaen Big Issue

Cenhadaeth:

Big Issue Group (BIG)

Ein cenhadaeth yw chwalu tlodi trwy greu cyfleoedd, trwy hunangymorth, masnachu cymdeithasol ac atebion busnes.

Lansiwyd y cylchgrawn Big Issue ym 1991 mewn ymateb i’r nifer cynyddol o bobl oedd yn cysgu allan ar strydoedd Llundain, drwy gynnig cyfle i bobl ennill incwm cyfreithlon trwy werthu cylchgrawn i’r cyhoedd. Ddeng mlynedd ar hugain yn ddiweddarach, mae ein gwerthwyr yn dod o amrywiaeth o gefndiroedd ac yn wynebu’r llu o broblemau sy’n gysylltiedig â thlodi ac anghydraddoldeb.

Rydym yn chwilio am wirfoddolwyr sy’n frwd dros ein diben cymdeithasol ac sy’n dymuno rhannu eu sgiliau a’u profiad i gefnogi ein swyddfeydd rheng flaen a helpu i chwalu tlodi.

Prif gyfrifoldebau:

·         Cyflawni dyletswyddau gwirfoddol yn effeithlon gyda ffocws sy’n dda i werthwyr.

·         Dangos ymrwymiad i amcanion cymdeithasol BIG.

·         Glynu wrth yr holl bolisïau a gweithdrefnau gwirfoddolwyr.

·         Cynnig cymorth ychwanegol i’r timau rheng flaen.

Tasgau Allweddol:

Cynnig cymorth gweinyddol i dimau Rheng Flaen BIG drwy:

·         Sicrhau bod y swyddfa’n gyfeillgar ac yn groesawgar i bob gwerthwr.

·         Trin trafodion arian parod a cherdyn gyda chywirdeb ac effeithlonrwydd.

·         Cadw cofnod cywir o werthiannau, lleiniau, cynilion gwerthwyr a thabardau.

·         Gweithio gyda staff i ymgysylltu â phobl sy’n cardota, gan hyrwyddo’r cyfle i ddod yn werthwr.

·         Ymateb i anghenion amrywiol gwerthwyr trwy gyfeirio at aelodau staff perthnasol, gan weithredu gyda disgresiwn wrth ddelio ag achosion sensitif neu broblemau gwerthwr.

·         Cefnogi staff i gyfeirio a gwneud atgyfeiriadau at wasanaethau cymorth priodol.

·         Cefnogi staff i hyrwyddo cynhwysiant ariannol a digidol i werthwyr.

·         Cyflawni dyletswyddau gweinyddol.

·         Cefnogi staff gyda phrosiectau parhaus, pob un wedi’i anelu at hyrwyddo cenhadaeth BIG.

·         Cefnogi ein gwerthwyr ar eu llain trwy fod yn gadarnhaol, calonogol a darparu cylchgronau os oes angen.

Rhinweddau allweddol:

Rydym yn chwilio am wirfoddolwyr sydd:

·         Yn gyfeillgar a chroesawgar.

·         Yn dangos empathi tuag at ein gwerthwyr a’n darpar werthwyr.

·         Yn parchu’r angen am gyfrinachedd a disgresiwn.

·         Yn gweithio’n dda fel tîm.

·         Wedi ymrwymo i genhadaeth BIG.

·         Yn hyblyg ac yn barod i addasu tasgau yn dibynnu ar y diwrnod.

·         Â sgiliau rheoli amser a phroffesiynoldeb.

·         Â dealltwriaeth ac ymrwymiad i gydraddoldeb, amrywiaeth a chynhwysiant.

Yr hyn y byddwch yn ei ennill:

·         Byddwch yn elwa o sesiynau sefydlu gyda staff cefnogol a fydd yn eich hyfforddi yng ngweithgareddau beunyddiol swyddfa’r Big Issue.

·         Byddwn yn cynnig hyfforddiant perthnasol i chi a allai gynnwys diogelu, ffiniau proffesiynol, ymwybyddiaeth iechyd meddwl, ymwybyddiaeth o gyffuriau ac alcohol a llawer mwy.

·         Byddwch yn datblygu sgiliau newydd o ran cyfathrebu, ac yn ennill mwy o wybodaeth am ddigartrefedd a’r materion sy’n ymwneud â thlodi.

·         Byddwch yn gwneud cyfraniad gwerthfawr i BIG drwy gefnogi ein gwerthwyr.

·         Byddwch yn cwrdd â phobl newydd yn eich cymuned ac yn dod yn rhan o dîm cyfeillgar.