Gwirfoddolwr Treftadaeth CAER

Erbyn hyn mae gan CAER ganolfan gymunedol treftadaeth newydd sbon sydd wedi’i lleoli wrth droed bryngaer o’r Oes Haearn yng Nghaerau, Caerdydd.  Mae Caerau yn gartref i un o aneddiadau hynaf Cymru, mae ganddi filenia o hanes ac ymdeimlad anhygoel o ddwfn o gymuned.

Nod CAER yw creu man lle mae treftadaeth leol a phobl leol yn dod at ei gilydd.  Rydym yn gweithio gyda thimau eraill yn Gweithredu yng Nghaerau a Threlái i fynd i’r afael ag anghenion neu ddiddordebau ond rydym hefyd yn agor cyfleoedd i aelodau’r gymuned ymuno â gweithgareddau academaidd/treftadaeth fel cloddio, gwaith cadwraeth ac allgymorth addysg.

Bydd ein gwirfoddolwyr yn cefnogi gyda’r gweithgareddau wythnosol sy’n digwydd gyda phrosiect CAER ond hefyd yn cynnig cymorth gyda’r digwyddiadau mwy sy’n digwydd yn rheolaidd.

Sgiliau Dymunol –

·         Gallu gweithio fel rhan o dîm

·         Y gallu i gyfathrebu ag aelodau’r gymuned a staff

·         Sgiliau rhyngbersonol

·         Mae diddordeb mewn cymuned neu hanes lleol yn ddymunol

·         Ymrwymiad i gydraddoldeb ac amrywiaeth ac awydd gwirioneddol i gynorthwyo pobl

Cyfrifoldebau Gwirfoddolwyr:

• Staffio’r sesiynau cymunedol wythnosol (boreau coffi, Caru ein Bryngaer, grwpiau garddio)
• Tasgau i gynnwys: croesawu aelodau’r gymuned, gwneud lluniaeth, hwyluso trafodaethau, cefnogi staff yn ystod y gweithgaredd (bydd staff yn amlinellu tasgau)
• Gweithio gyda chyfranogwyr i gynllunio gweithgaredd
• Sicrhau bod cyfranogwyr yn gyfforddus yn defnyddio offer/cyfarpar
• Bod ar gael i ateb cwestiynau / ceisiadau am help gan aelodau

Helpu i gasglu adborth gan aelodau i lywio arfer gorau