Eiriolwyr Gwirfoddol Annibynol

Partneriaeth yw Prosiect HOPE rhwng; Age Cymru, partneriaid lleol Age Cymru a phartneriaid Age Connects Wales ar draws Cymru gyfan.

Bydd HOPE yn galluogi pobl hŷn a gofalwyr i ymgysylltu â gweithwyr proffesiynol, cymryd rhan yn eu cymunedau, deall eu hawliau fel person hŷn, cyrchu gwybodaeth i wneud dewisiadau gwybodus ac, ar ddiwedd y dydd, cael eu lleisiau wedi’u clywed.

Bydd HOPE yn gwneud gwahaniaeth enfawr i fywydau llawer o bobl hŷn nad ydyn nhw ar hyn o bryd yn gwybod sut i ddelio â’u pryderon neu nad oes ganddyn nhw’r hyder i godi eu llais am yr hyn sydd ei angen arnyn nhw go iawn.  Bydd y prosiect hwn yn helpu i daflu goleuni ar eu hanghenion a’u dyheadau fel y gallant fyw bywyd mwy boddhaus ac urddasol yn ddiweddarach yn eu hoes.

Mae HOPE yn recriwtio ac yn hyfforddi gwirfoddolwyr mewn cymunedau ledled Cymru i ddarparu cymorth eiriolaeth annibynnol i bobl hŷn a gofalwyr lleol fel y gallant helpu i lunio’r penderfyniadau allweddol sy’n effeithio ar eu bywydau ac osgoi mynd i sefyllfa o argyfwng.

Bydd gwirfoddolwyr yn darparu’r gefnogaeth ar y ffôn neu drwy alwad fideo, pan fydd ar gael, oherwydd y sefyllfa Covid-19 bresennol.  Mae Age Cymru eisiau sicrhau diogelwch ei holl staff a gwirfoddolwyr ac mae’n dilyn Canllawiau Llywodraeth Cymru ac Iechyd Cyhoeddus Cymru.

I ddysgu mwy am HOPE a sut y gallwch gael eich hyfforddi i ddod yn Eiriolwr Gwirfoddol a chefnogi pobl yn eich cymuned, e-bostiwch: